好多人都有一個錯角以為未夠18歲入住酒店係觸犯法例, 但根據香港法例第349章旅館業條例: 在香港經營酒店 (包括時鐘酒店) / 汽車旅館 / 賓館 / 渡假營 / 渡屋單位, 必須向民政事務總署牌照事務處領取有關牌照。

當中並無規管酒店只可租房予18歲以上人仕, 所以租唔租你住其實係睇下每間酒店既政策。但係點解酒店唔肯租比18歲以下人仕? 咁係唔係歧視?

以大澳文物酒店為例, 佢地就有以下使用協議:. “本網站只提供予個人及在適用的法律下可訂立具法律約束力之合約的實體。在不局限前文的原則下，本網站及本網站提供的產品和服務並不提供未成年人士使用(即，18歲以下或在適用法律下被視為未成年者)。如閣下未符合上述資格，按此離開本網站及不要使用本網站。 在本網站預訂房間，閣下必須年滿十八 (18) 歲或以上。 如閣下未滿十八歲，閣下應直接聯絡酒店尋求協助。”

係唔係歧視我唔知, 但小弟相信係因為涉及錢銀上既交易, 為左方便追討在租房期間既損失賠償, 所以有d酒店都只會租房予18歲以上人仕。簡單d講,  你未滿18歲唔係一個法人, 又整到人地酒店有損失, 又欠房租等等, 酒店用法律追討上黎就麻煩。

你又可能會問, 時鐘酒店又係唔係一樣? 我可以答你時鐘酒店更嚴, 佢地最驚租房比18歲以下人仕, 因為時鐘酒店本身主要用途就係比人做愛, 發生性行為既地方, 你唸下人地會唔會因為比你開心一個鐘廢而影響到續牌, 並且賠上生意? 萬一你同未成年少女/少年發生性行為, 佢就以後有排煩。

咁係唔係即係話未夠18歲唔洗唸住去酒店租房? 咁又唔係絕對, 唔係間間嘅酒店都需要睇你身份証嘅, 就算睇, 佢地都唔一定 check 得咁仔細, 如果加上你個樣夠大個, 佢地更加先入為主地覺得你夠18歲。同埋而家有d酒店有自助 check in 服務 (如海匯酒店), 唔洗經人手check年齡, 所以有機會可以♠成功check in 到。